مفهوم دينى بسيط
بسم الله الرحمن الرحيم
انا مش هاخد من وقتك كثير ولكن ارجو منك القراه
ثانيا ما ارى كثيرا ان معظم الشباب عندهم مشاكل وهموم ودائما ما يعرفون الحل مع الرغم ان الحل موجود وظاهر وواضح جدا ولكن نحن لا نراه طيب هتقولى ايه الحل ؟ قولك الحل سهل جدا ركز معايا انت بس اولا قبل ما اقول الحل ياريت تلقوا نظره سريعه على هذه الايه
هتقولى ما انا حافظ الايه هقولك انت حافظ بس انت مش واخد بالك من الايه هتقولى لا ياعم انا واخد بالى كويس وفاهم طيب تيجى نلعب لعبه ايه رايك ؟
تعالى نجرب نقرا كلام ربنا بفهم واتقان بمعنى اقرا هذه الايه وبعد كده ركز فى اللى هقوله وانا مش هجيب كلام من عندى ولكن كلام الله عز وجل انت عارف اخى العزيز لو انت دائما متقى ربنا فى بيتك واهلك ومالك ومعاملتك وحبك وصداقتك وكل شئ ستكون مرتاح البال هتقولى ازاى ؟ هقولك سهل جدا قوانين اللعبه بتقول ومن يتق الله يعنى لو انت شايف انك بتتقى الله يبقا انت فى الامان ليه تزعل نفسك وتتعب نفسك وتبكى ما الحل موجود اهو انك هتخرج من المحنه مهما كانت وانك هتكون مبسوط بمجرد انك بتتقى الله وبتصلى مش اكثر ولا اقل . ولو تلاحظ ربنا هيرزقك افضل رزق وصدقنى هتعيش مرتاح .
ملحوظه مهمه انا بعتذر انى اخدت الكلام بمثال لعبه ولكن كلام ربنا ليست لعبه استغفر الله ولكن مثلتها بذالك لسهوله الفهم واتمنى انى اكون افدتكم بكل خير
واشوفكم بالموضوع القادم ان شاء الله
والسلام عليكم ورحمه الله وبركاته
تعليقات: 0
إرسال تعليق