حصرياً شرح عمل سيرفر ورلد اوف وار كرافت WOW برفيت دورة متكاملة
مرحباً بكم في موضوع لزيادة نشاط الاختراع سمارت
ليضم دعم سيرفرات برفيت ورلد وار كرافت wow
الان شرح عمل سيرفر wow كامل بأذن الله بدون اي مشاكل
الدرس اليوم هيكون بخصوص كيفية عمل السيرفر الخاص
والدرس الثاني هيكون بعض حلول للمشاكل التي تظهر
الدرس الثالث صفحة تسجيل wow وكيفية تشغيلها
بكده يبقي اهتممنا بالجزء الاساسي من برفيت wow
ويلا بينا نبدأ بقي
اولا لعمل سيرفرwow كامل وبدون اي مشاكل هنحتاج شوية برامج
اي برنامج سيرفر محلي انا بفضل appserver
ملفات السيرفر وهتلاقي معاها النافي كات لتتحميل
كلنت اللعبة للتحميل
ولبعض الصور من السورس سوف تجذب انتباهكم أكيد
الدرس سهل جداً والتعديل من اسهل مايكون ويكاد يكون صعوبة الموضوع في تحميل الكلنت
ولكن انا عن نفسي روحت لسايبر كبير ودفعت 50 جنيه واستأذنته يحملهالي
اخذتها علي فلاشتين لان مساحتها عاليه حوالي 16 جيجا.
ولكن اللعبة تستحق فلعبة ورلد اوف وار كرافت قوية جداً وتعتبر شعبية جداً ولا يمكن ان يمل منها شخص ستعشقها فعلاً , يمكنك ان تلعبها من اشخاص او وحوش ولن تشعر ابداً بالملل مع اقوي جرافيك في الالعاب الاونلاين شاهدته قبلاً.
اولا تحمل برنامج appserver من هنا .
ثانياً تحمل ملفات السيرفر من هنا .
ثالثاً تحمل كلنت اللعبة المتوافق معنا من هنا .
طبعاً ملف تحميل الكلنت ملف تورنت لأن التحميل هياخد وقت طويل ويكون امان في التنزيل ليك.
لتحميل برنامج التورنت من هنا .
بكده انت حملت الملفات تابع معانا طريقة التشغيل.
اولا توجه لملفات السيرفر سوف تجدها ثلاث فولدرات
فولدر Tools & Extras وهذا الفولدر فيه ادوات سوف نحتاجاها فيما بعد بأذن الله وفيها برنامج النافي كات.
فولدر Server وهو فولدر متخصص ليعمل كسيرفر محلي ولكنه يشبه للأسف الوامب سيرفر فسوف يكون مضر ومتعب
ونحن استبدلناه ب appserver فلا داعي لأستخدامه ومع ذلك يجب عدم حذفه لأننا سنحتاج منه data.
فولدر Arcemu وهذا هو فولدر السورس " ملفات السيرفر " .
نفتح Arcemu ونشاهد ما به الان.
تجدون اول فولدر configs وهو المتخصص في عمل الاتصال والكثير من شغلنا اليوم سوف يكون علي ذكر الفولدر وما فيه من ملفات.
عند فتح الفولدرنفتح اول ملف فيه وهو logon
هذا الملف يشبه لحد كبير ملف configuration سوف تعدل فيه بيانات القاعدة
Username = "root"
Password = "ascent"
Name = "logon"
Port = "3306"
طبعاً root ما تغيرها و ascent تغيرها بالباس الخاص بالاباتشي سيرفر
و logon ما تغيرها لأننا سوف نستخدم تلك القاعدة في الاسماء ممنوع.
والبورت طبعاً تسيبه في حاله..
بعد كده هتنزل شوي تلاقي
Listen Host و ISHost
سوف تغيره بالايبي الخاص بك وللتجربة 127.0.0.1
بعد كده تنزل اخر شئ خالص في الصفحة تلاقي
AllowedIPs و AllowedModIPs
تغير 127.0.0.1 الي الايبي الخاص بك او تتركها في حالة السيرفر تجريبي ,
ملحوظة لا تحذف /24.
بكده انتهينا من تعديل اول ملف..
نروح علي الملف realms وهو كونفج ايضاً ويشبه ايضاً ملف configuration
كل الي عليك تنتبه
سوف تجد LogonServer Address تغير الايبي بالايبي الخاص بك او 127.0.0.1 لو سيرفر تجريبي.
سوف تجد Realm1 Name وهذا ليس اسم القاعدة بس اسم السيرفر فيك تغيره كيف ما بدك.
ما تغير Name ابداً في اي ملف,
بتلاقي ايضاً Address وتلك خاصة بالايبي تغيره لايبي الخاص بك والا 127.0.0.1 لو كان تجريبي.
في ملف voicechat بتلاقي مكانين ل 2 ايبي وهو خاص بالشات ليكون تمام اكتب الايبي الخاص بك هناك.
نيجي بقي علي الملف الرخم ومع ذلك بيمسك اللعبة كلها,
ملف world..
اول سطر بتلاقي WorldDatabase Hostname
ثان سطر بتلاقي CharacterDatabase Hostname
انت عليك فقط تغير الباس الخاص بالاباتشي بدل ascent ,
فقط لا غير..
بعد كده هتلاقي Listen Host بعدها علي طول تغيره للأيبي الخاص بك
او 127.0.0.1 لو كان السيرفر تجريبي.
في السطر العاشر تحت Listen Host بتلاقي
Motd وامامها رسالة تحية السيرفر بتغيرها,
بعد كده تبحث عن VoiceChat Enabled
هتلاقي ظهر ليك ايبي تغيره للأيبي الخاص بك او تسيبه لو السيرفر تجريبي.
نفس الكلام مع RemoteConsole Enabled بيظهر ليك هوست تغيره للأيبي الخاص بك او 127.0.0.1 .
بكده يبقي ألف مبروك يا معلم خلصت الملف تعديله علي خير وكده تبقي شوية صغيرة وتفتح السيرفر تابع معنا..
بعد ما سطبنا الاباتشي سيرفر بندخل علي الفولدر appserver
بتلاقي هناك mysql تدخل عليها بتلاقي data وتنتظر شوية تسيب الصفحة مفتوحة
بتروح علي ملفات السيرفر في فولدر اسمه server الي قولت ليكم ما تمسحوه,
بتدخلو عليه بتلاقو mysql فيه بتلاقو data
تنسخ كل الي فيه عدا فولدر mysql
تروح للملف data الي في appsever الي انت فيه دلوقتي وتقوم عامل past فيه.
بعد كده تسطب النافي كات وتعمل connection جديد ولما تفتح الكونشكن بعد كتابة الباس والاسم
هتلاقي ظهرت ليك قواعد البيانات ومش هتحتاج رفع ..
بكده يبقي تمام اوي اوي ..
كده هتروح لفولدر Arcemu الي فيه ملفات السيرفر وهتلاقي 2 ايقون
arcemu-logonserver تفتحها الاول
arcemu-world تفتحها بعد كده,
بكده تبقي شئ واحد فقط اعداد الكلنت.
طبعاً انا اتفاجئت انك مش بتحتاج باتش للعبة كل الي عليك بتغير ايبي فقط في اللعبة.
هتدخل علي كلنت اللعبة هتلاقي
فولدر اسمه Data هتلاقي فولدر فيه اسمه enUS تفتحه
هتبحث عن ملف اسمه realmlist
هتفتحه هتلاقي فيه
set realmlist logon.eternal-wow.com
انت بقي بتغير logon.eternal-wow.com بالايبي الخاص بك يعني بيبقي كده
set realmlist 127.0.0.1
مفهوم شباب والحمد لله كده خلصنا اول جزء من شرح عمل WOW برفيت سيرفر.
بأذن الله الشرح القادم هيكون حل لبعض مشاكل منها مشكلة قاعدة البيانات ومشكلة مشكلة جدار الحماية
طبعاً نادر لما بتظهر.
وبعدها علي طول هعمل شرح كيفية عمل صفحة تسجيل WOW برفيت سيرفر.
طبعاً انت اكيد مستنين الفيديوهات جاري رفعها..
ومع تمنياتي بالتوفيق للجميع..
ملحوظة الشرح خاص بمدونة الاختراع سمارت ولا يحق لأي شخص نسخه وأستخدامه في موقعه
بدون الرجوع الي شخصياً عبر الاتصال .
اللهم قد بلغت الله فاشهد .
الاختراع سمارت - دائماً يكون السبق لنا..
بدون الرجوع الي شخصياً عبر الاتصال .
اللهم قد بلغت الله فاشهد .
الاختراع سمارت - دائماً يكون السبق لنا..